ლინდსი ლოჰანი ელიზაბეტ ტეილორის როლზე დაამტკიცეს. Access Hollywood’s-ის ცნობით, მსახიობი ითამაშებს ბიოგრაფიულ ფილმში სახელად "Liz and Dick". ეს ფილმი სწორედ ლეგენდარული მსახიობის, ელიზაბეტ ტეილორის ცხოვრებაზე მოგვითხრობს.

გარდა ამ მნიშვნელოვანი ფაქტისა, ლინდსის კარიერაში კიდევ ერთი მნიშვნელოვანი რამ მოხდა. ის პოპულარულ შოუში Saturday Night Live-ში მიიწვიეს, გადაცემა ეკრანზე 3 მარტს გამოვა. ეს მისთვის ძალიან მნიშვნელოვანი იყო, რადგან რამდენიმე წელია მსგავს შოუში ის აღარავის მიუწვევია.

25 წლის ლოჰანის კარიერაში წინსვლა შეინიშნება და იმედია ამას ხელს კვლავ მისი გისოსებს მიღმა აღმოჩენა არ შეუშლის. როგორც ცნობილია, ბოლო რამდენიმე წელია მას ალკოჰოლისა და ნარკოტიკების მოხმარების გამო პერმანენტულად სასამართლოს წინაშე წარდგომა უხდება.