კომპანია Panasonic-მა, ევროპულ ბაზრისთვის, თავისი პირველი სმარტფონი ELUGA წარმოადგინა. აღსანიშნავია, რომ ის შესრულებულია ჰერმეტულ კორპუსში, რისი მეშვეობითაც მისი გაჩერება წყლის ქვეშ ერთი მეტრის სიღმეზე შესაძლებელია.

სმარტფონის სისქე — 7,8 მმ, ხოლო წონა შეადგენს 100 გ-ს. ELUGA-ს აქვს ორბირთვიანი პროცესორი Texas Instruments OMAP 4430 ტაქტური სიხშირით 1,0 გჰც. კომუნიკატორში დაინსტალირებული იქნება ოპ. სისტემა Android 2.3.5 (Gingerbread); ზაფხულში ხელმისაწვდომი გახდება Android 4.0-მდე (Ice Cream Sandwich) განახლება.

სიახლის არსენალში შედის: კამერა 8-მეგაპიქსელიანი მატრიცით, 8 გბ ფლეშ-მეხსიერება და NFC-მიკროჩიპი. 4,3-დიუმიანი სენსორული დისპლეის გარჩევადობაა 540×960 წერტილი (ფორმატი qHD). ELUGA-ს ზომები — 123×62×7,8 მმ.

სმარტფონი გაყიდვაში გამოვა აპრილში და მისი ღირებულება იქნება 400–450 ევრო.

Panasonic ასევე აპირებს ჩრდილო ამერიკის და აზიის ბაზარზე გასვლას. ტელეფონების გამოსვლის თარიღი ჯერჯერობით უცნობია, თუმცა სავარაუდოდ ეს მოხდება მიმდინარე წლის ბოლომდე.

Panasonic 2016-წლისთვის იაპონიის ფარგლებს გარეთ გეგმავს 9,0 მლნ ცალი ფიჭური აპარატის გატანას.