საქართველოს თავდაცვის სამინისტრო მწუხარებას გამოთქვამს ავღანეთში სამშვიდობო მისიის შესრულების დროს ქართველი სამხედროების კაპრალების ვალიკო ბერაიას, რუსლან მელაძისა და პაატა კაჭარავას გარდაცვალების გამო.

თავდაცვის სამინისტროს ინფორმაციით, სამხედრო მოსამსახურეები, რომლებიც ასრულებდნენ საბრძოლო ამოცანას, საბრძოლო მანქანის აფეთქების შედეგად თალიბებთან შეტაკებისას დაიღუპნენ.

გარდაცვლილი სამხედრო მოსამსახურეები მე-3 ქვეითი ბრიგადის 31–ე მსუბუქი ქვეითი ბატალიონის შემადგენლობაში ISAF-ის სამშვიდობო მისიის ფარგლებში ჰელმანდის პროვინციაში მსახურობდნენ.