"ახალი მემარჯვენეების ლიდერის", ამომრჩეველთა სიების მონიტორინგის თავმჯდომარის მამუკა კაციტაძის განცხადებით, 2012 წლის არჩევნებში პროტესტის და აქციების მიზეზი ამომრჩეველთა სიები ვერ გახდება.

"ამომრჩეველთა სიები ყოველთვის იყო უკმაყოფილების ერთ-ერთი საგანი. ჩვენ მიზნად გვაქვს ყველა უზუსტობა გამოვასწოროთ. ამიტომაც, ვფიქრობ საარჩევნო გარემოში ყველაზე ჯანსაღი სექტორი იქნება ამომრჩეველთა სია. ასე რომ, ეს მიზეზი ყველაზე სკეპტიკურად განწყობილ ნაწილსაც ვერ გამოადგება პროტესტისთვის და მე მათ სხვა მოტივაციის მოძიებას ვურჩევ". - განაცხადა "პრაიმტაიმის" პრესკლუბში ჟურნალისტებთან შეხვედრისას მამუკა კაციტაძემ.

შეგახსენებთ, რომ არჩევნების გაყალბების შემთხვევაში, აქციები "ქართული ოცნების" ლიდერმა ბიძინა ივანიშვილმა დააანონსა.