საქართველოს მთავრობა ეკონომიკური ინიციატივების წარდგენას განაგრძობს, პარლამენტში უკვე ინიცირებულია საგადასახადო კოდექსში შესატანი ცვლილებები, რომელიც მშენებლობის განვითარებას ხელს შეუწყობს.

მთავრობის საპარლამენტო მდივნის გია ხუროშვილის განცხადებით, ადამიანებს ექნებათ შესაძლებლობა საკურორტო ზონაში შეიძინონ ბინა.

"ტურისტულ ზონაში ნებისმიერ ადამიანს ექნება საშუალება ბინის შეძენის შემდეგ ნახოს მოგება. მას შეუძლია გააფორმოს ხელშეკრულება ტურისტულ საწარმოსთან, რომელიც მის ბინას გამოიყენებს როგორც სასტუმროს ოთახს. გარდა ამისა პირს სახელმწიფო გადახდილი თანხის 18%-ს უკან დაუბრუნებს". - ამბობს გიორგი ხუროშვილი.

შეგახსენებთ, რომ ამ ცვლილების მიხედვით სამშენებლო კომპანიებს უფლება ექნებათ ხელშეკრულება ბინის მესაკუთრესთან რვა წლიანი ვადით გააფორმონ.