აფხაზეთის დე-ფაქტო პრეზიდენტი ალექსანდრე ანქვაბი, დღეს დილით თავდასხმის მსხვერპლი გახდა. გუდაუთა-სოხუმის ავტომაგისტრალზე უცნობი პირები პრეზიდენტის ესკორტს თავს დაესხნენ. ამის შესახებ ინფორმაციას სააგენტო "აპსნიპრესი" აქვეყნებს.

შემთხვევის შედეგად დაცვის ორი წევრი მძიმედ დაიჭრა.

სააგენტოს ცნობით, მსგავსი თავდასხმა პრეზიდენტზე უკვე მეექვსედ განხორციელდა და აქედან 2-ჯერ დაიჭრა.

ცნობისთვის, პირველად მის ესკორტს სოხუმის ცენტრში ცეცხლი 2005 წლის 28 თებერვალს გაუხსნეს. ანალოგიური შემთხვევა განმეორედა გუდაუთა-სოხუმის გზაზე 2005 წლის პირველ აპრილს. 2007 წლის 20 ივნისს კი მას ნიღბიანი პირები დაესხნენ თავს, იმავე წლის 9 ივლისს მისი ჯიპი დაიბომბა, რის შედეგადაც ტვინის შერყევა მიიღო. 2010 წლის 23 სექტემბრის გამთენიისას ანქვაბის სახლზე თავდასხმა მოხდა.